تجهيز البشرة قبل الميك اب هو اساس نجاح الميك اب وثباته وكمان بيساعد على اخفاء عيوب كتير بتظهر بعد كما بنخلص الميك اب بتاعنا
ففى خطوات لازم نمشى عليها وهو خطوات بسيطة وسهلة لو اتعودتى عليها
واصلا نفس الخطوات دى مهمة للخروج العادى حتى من غير ميك اب
1/الغسول
اكيد الصبح كلنا بنغسل وشنا بس الافضل نستعمل غسول بلاش الصابون لانه بينشف البشرة
ومن خلال تجاربى
جارنييه مناسب لببشرة الدهنية وبس
جارنيه الجديد بيور اكتيف مناسب للدهنية والمختلطة
كلين اند كلير مناسب لكل البشرات بس ممكن يعمل تهيج للبشرة الحساسة
جونسون مناسب لكل البشرات وبيطرى البشرة
2/ سكرب للوجه
لو وشك بيعانى من قشور او اثار بقع يفضل تعملى سكراب كل يومين مرة او يوم اه ويومين لا
افضل اللى جربتهم اصالة
واصلا غسول بيور اكتيف جارنييه يعتبر سكراب لانه مقشر فى نفس الوقت
وفى كلين اند كلين جميل
3/ تونر
ده عشان نقفل مسام البشرة ممكن تجيبى تونر من اى ماركة فى جارنييه وفى اوريفليم
وممكن نستعمل مية الورد هى برضه تونر طبيعى نمسح بقطنة وشنا
وممكن نستعملى مغلى البقدونس برضه جميل ومغذى للبشرة
4/ كريم مرطب
مهم جدا تحطى كريم مرطب ماتقوليش انا بشرتى دهنية مينفش
لا ضرورى الكريم المرطب ده بيحمى البشرة من الميك اب ومن الهوا بيكون زى طبقة عازلة وفى نفس الوقت بيغذى البشرة ويبينها ناعمة
ده غير انك لو وشك بيقشر او عندك حتت ناشفة المرطب بيعالجها
وانا حابقى اقولكم على فكرة بعملها مع الفاونديشن
5/ اساس الميك اب
فى قدامك حاجة من اتنين
ا/ البرايمر
ده بيس بيتحط قبل الميك اب هو عبارة عن سائل كده مهمته بيثبت الميك اب اطول فترة وكمان بيظهر الوان الميك اب
فى انواع كتير من كلماركة نازل المهم تختارى المناسب ليكى
واشهرهم فى مصر عندنا من اوريفليم
ب/ bb cream
ده كريم انتشر فالفترة الاخيرة مهمته بيفتح لون البشرة وبينعم البشرة والمفروض فيه واقى شمس المهم تختارى الدرجة المناسبة ليكى ده توبيك بيتكلم عنه باستفاضة
http://forums.fatakat.com/thread2349662
واللى منتشر فى مصر ماركة ايفر بيوتى وماركة لا شير وماركة ام ان
6/ الصن بلوك
لو خارجة الصبح اوعى تخرجى من غير صن بلوك سواء فى صيف او شتا لان بد الشمس بتبقى خطر اوى الصبح
وافضل الانواع بيوديرما
ويوفى بلوك
وكل صن بلوك فى منهانواع فى الشفاف وفيه اللى بلون زى الفاونديشن
وفى للبشرة الدهنية وفى العادية وفى المختلطة يعنى ركزى وانتى بتشترى واوعى تسترخصى فيه لانه بيتضرب كتير
اقل تمن للصن بلوك بتبقى 75 وطالع
7/ hide & treate cream
ده بقى مش شفته الا فى اوريفليم بس ممكن يبقى فيه منه كتير
المهم هو بيخفى وبيعالج فى نفس الوقت للبقع اللى فالوش انا بحطه منه على اثار الحبوب تغطيته مش عالية بس بيقلل من لونها شوية والستيك بقى اللونين دى بتحطى من اللون الاخضر الاول وبعدين تحطى فوقه البيج
كده خلاص بشرتنا بقت جاهزة
انا لما بعمل الحاجات دى كاملة قبل الميك اب او حتى من غير ميك اب والله الناس بتسئلنى وشك منور وناعم حتى لو فيه حبوب وبقع بس بشرتى باينة ناعمة ومشدودة
اتمنى اكون افدتكم انهاردة وكمان يومين حنزلكم بالحلقة الجديدة بقى
واوعوا تنسوا التعليق
